ابن الرافدين عضو محترف
المساهمات : 31 تاريخ التسجيل : 07/12/2008 العمر : 35 الموقع : العراق( بغداد ---- الحرية)
| موضوع: قصيدة عن بغداد ....... الأحد ديسمبر 07, 2008 5:27 am | |
| مدينتنا جميله واسمها بغداد ....... عرووووس من السما للكاع مزفوفه مثلها ما شفت بجميع بلاد ......... طويله مضمره وبالحسن ملفوفه ينسم بيها دجله وينثرها اوراد ......... ويكحل جفنا بروجه جروفه من البصره علمها وهم بعد تزداد ..... وثقافتها اجت من جامع الكوفه تنز بيها القوافي تكول عدها طراد ......... وميزان الشعر ا ماختلت احروفه يسموها العرب يا زينة الامجاد .......... ومضيف ليمرح دوم بضيوفه كل ليل اليمرها ياخذ شما راد ........... وكل جايع يمرها ينترس جوفه شكد حلوه بحلكهم كلمة اللك داد ....... اهلها لو حجوها تكول معزوفه ما تنذل عنيده شما تجيها اوغاد ......... ابو جعفر بناها بلمسة جوفهه ما نكدرانكول القاضي ما ينراد ......... ولا نكدر نكول الجره مزروفه سكتنا والخرس ويانا حرف الضاد ....... وقضيتنا اصبحت للناس مكشوفه ماتت والضماير ما بعد تنعاد ........... وحضنا ويا العرب نامت عليه طوووووووفه يا دار السلام وحسن جنة عاد ......... وعيون المها ببغداد موصوفه عيشه بهالزمان وهيج ما تنراد ........ وينا الكام ضدج شرع سيوفه يا وسفه عليها انباعت بمزاد ......... جوهرة العرب والشمس مكسوفه مدينتنا جميله واسمها بغداد ......... عروووووس من السما للكاع مزفوفه
| |
|
lamy عضو محترف
المساهمات : 45 تاريخ التسجيل : 16/11/2008 العمر : 32
| موضوع: رد: قصيدة عن بغداد ....... الإثنين ديسمبر 08, 2008 2:27 am | |
| السلام عليكم ورحمة الله وبركاته
جزاك الله خيرا اخي ابن الرافدين
على القصيدة الرائعة | |
|